"14 наурыз – "Көрісу күні" – амал мерекесі" биыл Ордабасы ауданы, Темірлан ауылындағы "Шәмші" аллеясында ұйымдастырылады. Онда Түркістан облысы мен Шымкент қаласы тұрғындарының көрісу рәсімі өтеді. Аталған шарада қос өңірдің зиялы қауым өкілдері, ардагерлер, этнос өкілдері мен өнерпаздары кездесіп, көрісу күні орындалатын барлық рәсімді бірлесе атқаратын болады.
Сондай-ақ, осы күні "Наурыз – жақсылықтың жаршысы" атауымен облыстық челленж бастау алады.
Ал, 15 наурыз – "Қайырымдылық" күні ретінде аталып өтпек. Бұл күні аудан-қалаларда, ауылдарда жағдайы төмен отбасыларға, мүмкіндігі шектеулі азаматтарға көмек көрсетіледі және қоғамның осал топтарына, соғыс, еңбек ардагерлеріне, батыр аналарға арнайы сыйлықтар тапсырылады.
16 наурыз күні "Шаңырақ", 17 наурыз – "Мәдениет және ұлттық салт-дәстүр күні", 18 наурыз – "Ұлттық киім күні", 19 наурыз "Жаңару күні" ретінде аталып өтеді.
Әрбір күн аясында концерттік бағдарламалар мен түрлі іс-шаралар ұйымдастырылады.
Ал, 21 наурыз "Қош келдің – Әз Наурыз!" деген атаумен Түркістан қаласындағы "Керуен" сарайы аумағында мерекелік салтанатты іс-шара жоспарланып отыр.
Сондай-ақ, осы күні қазақ эстрада жұлдыздарының қатысуымен "Ән мен әнші Түркістан төрінде" концерттік бағдарламасымен қорытындыланады.
"22 наурыз "Жыл басы" күні Түркістан қаласы мен барлық аудан-қаладағы орталық алаңдар мен саябақтарда көрмелер, концерттік бағдарламалар, ұлттық спорттық ойындар мереке көркін қыздырады. Сондай-ақ, "Конгресс холл" кешенінде Республикалық ақындар айтысы, Түркістан музыкалық драма театрында 2 күн бойы "Вальс королі" қойылымы көрермен назарына ұсынылады. Ал 23 наурыз "Тазару" күні – облыс көлемінде жалпыхалықтық сенбілік ұйымдастырылып, аудандар мен қалаларда тазалық жұмыстары жүргізіледі", – деді Әзімхан Қойлыбаев.
