Бүгінгі таңда Түркістан облысында жоғалған туристің денесін таудан түсіру жұмыстары жүргізіліп жатыр, деп жазады inbusiness.kz.
"Бүгін Түркістан облысы ТЖД құтқарушыларының күшімен теңіз деңгейінен 3800 м биіктікте 1967 жылы туған адамның денесі табылды. Қазіргі уақытта оны жаяу түсіру жұмыстары жүргізіліп жатыр. Қалыңдығы 20 см қар жамылғысы, жер бедерінің таулы, тасты болуы түсіру жұмыстарына қиындатуда", - делінген хабарламада.
Түркістан облысының Жедел-құтқару жасағының құтқарушылары мен Альпинизм федерациясының кәсіби альпинистері іздеу-құтқару жұмыстарына жұмылдырылды.
Еске салайық, 3 шілде күні 56 жастағы ер адам Сайрам-Өгем ұлттық табиғи паркінің аумағында тау басынан түсіп келе жатқанда төмен құлап кеткен. Ол алған жарақатынан оқиға орнында көз жұмған.
