8 тамыз күні сағат 04:30-да Қызылсай–Шымкент аралығындағы күзетілетін теміржол өткелінде HOWO маркалы жүк көлігі маневрлік тепловозбен соқтығысты, деп жазады inbusiness.kz сайты.
Болжам бойынша, жүк көлігінің жүргізушісі жол қозғалысы ережелерін бұзып, жақындап келе жатқан құрам алдында өткелге шығып кеткен. Қайтыс болғандар жоқ, жүргізуші ауруханаға жеткізілді.
Апат салдарынан 3 жолаушылар пойызының қозғалысы уақытша тоқтатылды. Сағат 07:18-де учаскеде қозғалыс толық қалпына келтірілді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
