Түркістан облысында биылғы жылдың алғашқы үшемі дүниеге келді, деп хабарлайды облыстық денсаулық сақтау басқармасы.
Сарыағаш ауданының тұрғыны, студент Жанар Анарбаева он сегіз жасында үш баланың анасы атанды.
"Былтыр ғана ақ босаға аттап, келін атанған жас келіншек Адина, Медина, Үсен есімді екі қыз және бір ұл баланы дүниеге әкеліп отыр. Облыстық №1 перинаталды орталықта ай күніне жетпей туылған үш ағайынды сәбидің жағдайы қазір жақсы" делінген хабарламада.
Жанар перзентхананың қызметкерлеріне алғысын білдіруде. Ауылда асыға қуанып әжелері күтіп отыр екен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
