Түркістан облысы Мақтаарал ауданында он шақты шаруа бригадасы қаңтардың ортасында қырыққабат екті. Ол наурыз айының ортасында піседі.
Атап айтқанда, "Сабыр" шаруа қожалығында 12,2 гектар жердің 3 гектарына қырыққабат егілді. 60 адамнан тұратын топ кез-келген ауа-райында жұмыс істейді.
"Тамшылатып суару әдісін қолданып, израильдік "Валикор" қырыққабат түрін егеміз. Біз көшеттерді жауын-шашыннан арнайы пленкамен жабамыз. Негізінен дақылдар екі айдың ішінде піседі ", - дейді шаруа қожалығының басшысы Шагир Көшербаев.
Фермерлер атап өткендей, ерте пісетін қырыққабат Ресей мен Еуропада жақсы танымал. Мақтаарал өңірі бұны да ескеріп отыр. Қырыққабаттың ерте пісуі жергілікті фермерлерге мақта, қауын және басқа дақылдарды себуді тезірек бастауға мүмкіндік береді. Нәтижесінде жылына 2 - 3 өнім алуға болады.
Биыл Түркістан облысында олар 1342 гектар алқапқа көкөніс егуді жоспарлап отыр. Оның ішінде 500 гектардан астам жерді қырыққабат алады.
