Түркістан облысына "Hayat-Vax" екпесінің 13 мың дозасы жеткізілді, деп хабарлайды inbusiness.kz.
1 ақпаннан бері өңірге COVID-19-ға қарсы вакцинаның 193 мыңнан аса дозасы жеткізілген.
"Бүгін облысқа "Hayat-Vax" вакцинасының 13 мың дозасы келді. Сондай-ақ аталған екпенің 17 мың дозасы (екінші компонент), "Спутник V" вакцинасының 11 мың дозасы жеткілді. Өңірде екпе тапшылығы байқалмайды", - деп жазылған Түркістан облысы әкімінің баспасөз қызметі таратқан хабарламада.
COVID-19-ға қарсы екпені облыста 200 мыңға жуық тұрғын салдырса, вакцинаның екінші компонентін 50 мыңға жуық адам алған.
Қазіргі таңда өңірде 128 егу пункті жұмыс істеп тұр.
Айта кетейік, өткен тәулікте Түркістан облысында коронавирус жұқтырудың 39 дерегі тіркелген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
