Әуе шабуылы түнгі уақытта да тоқтамай, көршілес Эш-Шейх аймағына дейін атқылаған, деп хабарлайды inbusiness.kz Firat News Agency сайтына сілтеме жасап.
Алеппо провинциясының орталығынан 150 шақырым қашықтықта Евфраттың шығыс жағалауында орналасқан Айн-эль-Араб бомбаланып, Аше ауылындағы сириялық әскери қызметшілер нысандарына қайта әуе шабуылы жасалды.
Күрдтердің "Демократиялық Сирия күштері" қолбасшылығының ресми өкілі Ферхат Шами 20 қарашада Firat News Agency агенттігіне маусым айында Түркия тарапынан қауіп төнген жағдайда тойтарыс беру үшін Сирияның солтүстігіне ауыстырылған үкіметтік күштер бөлімшелерінен 15 сарбаздың қаза тапқаны туралы хабарлады. ДСК өздері 35 жауынгерден айырылған.
Агенттіктің хабарлауынша, күрдтер түрік авиациясының жаппай бомбалауына жауап ретінде кем дегенде екі қарулы шабуыл жасаған. Гранатометтерден Ғазиантеп провинциясындағы Қарқамыш шекара ауданы мен Килис маңындағы "Онджупынар" БӨП атылды. Шабуыл Сирия аумағындағы Тель-Рифааттан жасалып, нәтижесінде сегіз адам жарақат алды.
Сирияның солтүстік-шығысында Хасеке провинциясында Түрік артиллериясы 21 қарашаға қараған түні Сирияның батыс және шығыс аймақтарын байланыстыратын стратегиялық M4 тас жолының жанында орналасқан күрдтердің Телль-Лабан және Эль-Кузейлия ауылдарын бомбалады. Түркия Қорғаныс министрлігі 20 қарашаға қараған түні Ирак пен Сирияның солтүстігінде әуе шабуылының салдарынан 89 нысан жойылғанын хабарлады.
