Түркия, Египет және Израиль Газа секторынан жарақат алған адамдарды шығару үшін үйлестіру тобын құрды, деп жазады inbusiness.kz сайты РИА Новости агенттігіне сілтеме жасап.
"Пациенттерді Газа секторынан шығару жөніндегі дипломатиялық күш-жігер шеңберінде Израильдің Денсаулық сақтау министрлігімен байланыс орнатылды. Бұдан бөлек Түркия, Египет және Израиль арасында денсаулық сақтау үйлестіру тобы құрылды", - делінген басылымда.
Ведомство басшысы кеше мысырлық әріптесімен келіссөздер жүргізгенін атап өтті. Сонымен қатар, Коджа онкологиялық науқастарды Газадағы түрік-палестиналық достық ауруханасынан Шейх Зувейд пен Аль-Ариштағы Египет ауруханаларына тасымалдау туралы келісімді еске түсірді.
"Түрік медицина қызметкерлері мысырлық әріптестерімен бірге Газадан келген науқастарды емдейді. Ал екінші кезеңде, Түркияға ұшақпен материалдық жағдайы мүмкіндік беретін науқастарды жіберу жоспарланып отыр", - деп қосты министр.
Барлығы Рафах арқылы мыңдаған науқастар мен жарақат алған адамдарды анклавтан шығару жоспарланып отыр. Түрік тарапы бұған дейін атап өткендей, Каир далалық ауруханалары бар екі кемеге Египет порттарына кіруге рұқсат берді.
