Астана қаласында Есіл аудандық криминалдық полиция қызметкерлері Түркия, Вьетнам мемлекеттеріне виза алып беремін деп бірнеше азаматты алдап, ірі көлемде қаржы жымқырған 33 жастағы күдікті әйелді ұстады, деп жазады inbusiness.kz сайты.
Тергеу барысында анықталғандай, күдікті азаматтарды оңай жолмен шетелге шығуға виза алып беремін деп сендіріп, 6 эпизод бойынша алаяқтық әрекетке барған.
Ол уәде етілген қызметі үшін түрлі сомада ақша алып, кейіннен байланысқа шықпай қойған.
Күдікті өз кінәсін толық мойындады.
Аталған дерек бойынша сотқа дейінгі тергеу амалдары жүргізіліп жатыр. Полиция азаматтарды шетелге шығуға көмектесемін дейтін жеке тұлғаларға сене бермеуге шақырады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
