Түркия президенті Режеп Тайып Ердоған жұмыс сапарымен Қазақстанға келмейтін болды, деп хабарлайды inbusiness.kz порталы РИА Новости-ға сілтеме жасап.
Ол Түркістанда өтетін Түркі тілдес мемлекеттер ынтымақтастығы кеңесінің (Түркі кеңесі) бейресми саммитіне қатысуы керек болған.
"30-31 наурызға жоспарланған президенттің Қазақстанға сапары болмайды. Ол Түркі кеңесінің бейресми саммитіне бейнеконференция режимінде қатысады", - деп жазылды Түркия президентінің әкімшілігі таратқан хабарламада.
Айта кетейік, Түркі тілдес мемлекеттер ынтымақтастығы кеңесі (Түркі кеңесі) 2009 жылдың қазанында құрылған халықаралық ұйым. Ол түркі мемлекеттерін біріктіреді және елдер арасындағы жан-жақты ынтымақтастықты дамытуды көздейді. Оның құрамына Қазақстан, Әзербайжан, Қырғызстан, Түркия, Өзбекстан кіреді. Ал Венгрия ұйымдағы бақылаушы мемлекет болып саналады.
