Жиында ол Анкараның аталған соғысқа қатысты ұстанымын кезекті рет сөз етті, деп хабарлайды inbusiness.kz сайты РИА Новости-ге сілтеме жасап.
Оның сөзінше, Түркия Украина төңірегіндегі соңғы оқиғаларды мұқият бақылауда ұстап отыр. Сондай-ақ, "бейбіт келісім нәтижесінде ешбір тарап жеңіліске ұшырамауы тиіс" деген пікірді ұстанады.
– Украина мен Ресей арасындағы соғыста біз дұрыс ұстаным таңдадық. Біздің көзқарасымызға ешкім, әсіресе ел ішіндегі оппозиция ықпал еткен жоқ. Біз қос тарапқа да тең дәрежеде қарым-қатынас жасадық. Барлық алаңда бейбітшілік процесінде ешкім жеңілмеуі тиіс екенін атап өттік. Төртінші жылға созылған бұл соғыс қан төгіссіз, қиратусыз, әділетті бейбіт келісіммен аяқталуын қалаймыз, – деді ол.
Бұған дейін, Ердоған АҚШ президенті Дональд Трамппен телефон арқылы сөйлесіп, оның Украинадағы қақтығысты тоқтатуға бағытталған әрекетін қолдайтынын мәлімдеген-ді. Түркия басшысы соғыстың алғашқы күнінен бастап әділетті әрі тұрақты түрде бейбітшілікті қолдайтынын атап өтті.
– Түркия Украинадағы қақтығысты тұрақты шешу мақсатында келіссөздер жүргізуге алаң ұсынуға дайын, – деген болатын Ердоған.
