Бұл туралы Türkiye газетіне Анкара жас кәсіпкерлер қауымдастығы мүшелерінің бірі Мұстафа Коркутата айтты, деп жазады inbusiness.kz сайты.
"Жыл сайын (шамамен 1,4 млрд доллар) босқа кетеді. Барлығын қамтитын жүйені пайдаланатын туристерді орналастыру орындарының саны қысқарады", – деді Коркутата.
Ол all inclusive қонақүйлерде барлық азық-түлікті орынды пайдалануға мүмкіндік бермей, ысырапшылдыққа әкелетінін айтады, мысалы, әр тарелкадан 200-400 г тағамды лақтыруға тура келеді.
Кәсіпкер алдағы уақытта қонақүйлер демалушыларды тамақтандырудың жаңа жүйесіне көшуге тырысады деп есептейді. Мәселен рестораторлармен ынтымақтастық құруға болады.
"Туристерді кешке қонақүйден алып, қала орталығын аралатып, кейін алдын ала келісілген мейрамханаларға кешкі асқа апаруға болады. Осы әдістің арқасында бизнес жақсы табыс тауып, сонымен қатар, мысалы, көршілес Грекиямен баға жағынан бәсекеге түсе алады", - деді ол.
6 тамызда Hürriyet газеті Түркиядағы туризм саласының өкілдерінің барлығын қамтитын жүйені қайта қарауды тағы да ұсынғанын хабарлады. Өзгерістерді 1990 жылдардағы осы демалыс форматының негізін қалаушылардың бірі – кәсіпкер Зафер Алкай да қолдады. Түркияда туризмді дамытуға мүдделі кәсіпкерлер көп жылдан бері барлығын қамтитын жүйеге шағымданып келеді.
