Түркия билігі жалпы локдаун шектеулерін күшейту туралы шешім қабылдады, деп хабарлайды Inbusiness.kz елдің ішкі істер министрлігіне сілтеме жасап.
"Локдаун кезінде адамдардың көп жиналуын болдырмау мақсатымен 7 мамырдан бастап дүкендер мен желілік супермаркеттерде тек азық-түлік пен гигиена өнімдерін, мал азығы мен косметикалық өнімдерді (парфюмерия мен макияж құралдарын қоспағанда) сатуға рұқсат беру туралы шешім қабылданды", – деп жазылған ведомство мәлімдемесінде.
Алкоголь,электроника өнімдері, ойыншықтар, кеңсе, киім, автомобиль аксессуарлары, ыдыс-аяқ сатуға тыйым салынды.
29 сәуірде ел президент Реджеп Тайып Ердоған локдаун жариялаған еді. Шектеулер 5 мамырға дейін енгізілді. Арнайы анықтама қағазын алған тұрғындарға ғана басқа қалаларға баруға рұқсат беріледі. Локдаун кезінде қонақүйлер мен кеңселердің жұмысы шектетіледі.
Табиғат Нұрболат
