Осыған байланысты Түркия президенті Режеп Тайып Ердоған өткен сейсенбіде елдің барлау және Әділет министрлігінің басшыларымен шұғыл отырыс өткізді, деп хабарлайды inbusiness.kz Sabah газетіне сілтеме жасап.
Бір күн бұрын Анкара Бас прокуратурасы "Айхан Бора Каплан" қылмыстық ұйымына қатысы бар деген күдікпен елордалық департаменттің үш полицейіне қатысты тергеу бастады. Олардың үйлерінде тінту жүргізілді.
Бахчели бірнеше полицейлерді алып тастау "ештеңені шешпейтінін" айтып, ауқымды қастандық жасалуы мүмкін екенін мәлімдеді. Түрік ұлтшылдарының жетекшісі 2016 жылдың шілдесінде елді дүрліктірген мемлекеттік төңкеріс қайталануы мүмкін екенін ескертті.
Türkiye газеті өз кезегінде "Айхан Бора Каплан" ұйымымен байланыста болды деп айыпталған Анкара қауіпсіздік басқармасында бірқатар полиция қызметкерлерінің жұмыстан шығарылуына байланысты Түркияда үлкен қарсылық көрсетілгенін жазады. Олардың үйлерінде цифрлық материалдарды алу мақсатында тінту жүргізілді.
"Президент Ердоған Әділет министрі Йылмаз Тунджмен және Ұлттық барлау ұйымының басшысы Ибрагим Калынмен Бахчелидің мәлімдемесінен кейін Мемлекет басшысының резиденциясында шұғыл түнгі отырыс өткізді", — деп жазады Türkiye.
Ердоған осы сәрсенбіде ел Парламентінде басқарушы Әділет және даму партиясының кеңейтілген отырысында осы тақырып бойынша сөз сөйлейді деп күтілуде.
Естеріңізге сала кетейік, 2016 жылғы 15-16 шілдеге қараған түні Түркиядағы сәтсіз мемлекеттік төңкерістің салдарынан 250-ден астам адам құрбан болды, 2 мыңнан астам адам жарақат алды. Сол кезде түрік билігі тек 2018 жылдың шілдесінде жойылған төтенше жағдай режимін енгізді. Өткен уақыт ішінде ондаған мың адам қамауға алынды. Олардың қатарында әскери қызметшілер, полиция қызметкерлері, прокуратура мен сот органдарының қызметкерлері, журналистер, құқық қорғаушылар, басқа да кәсіптердің өкілдері бар. 1999 жылдан бері АҚШ-та тұрақты тұратын ислам уағызшысы Фетхуллах Гүленді түрік билігі FETÖ "Террористік желісінің" жетекшісі әрі мемлекеттік төңкеріс әрекетінің "идеялық шабытшысы" деп санайды.
