Түркияның Орталық Банкі 2022 жылдың желтоқсан айынан бері алғаш рет негізгі мөлшерлемені 0,5 пайыздық тармаққа – 8,5%-ға дейін төмендеткені белгілі болды, деп хабарлайды inbusiness.kz түрік қаржы реттеушісінің сайтына сілтеме жасай отырып.
Өткен жылдың қазан айында негізгі мөлшерлеме 12%-дан 10,5%-ға дейін төмендетілді, ал 2022 жылдың желтоқсанынан бастап ол 9% құрады.
Орталық банк Түркиядағы инфляция халықаралық дәрежеде жоғары деңгейде қалып отырғанын, оның салдары мұқият қадағаланатынын атап өтті. Реттеуші кешенді саясат инфляция деңгейі мен тенденцияларын жақсартты, қаржылық жағдайлар өнеркәсіптік өндірістің өсуін жеделдетуге және жұмыспен қамтуды арттыруға ықпал етті деп мәлімдеді.
Осыған байланысты ақша-кредит саясаты комитеті мөлшерлемені 50 базистік тармаққа төмендетуге шешім қабылдады. Сондай-ақ, түрік орталық банкі ақпан айында елде болған жер сілкіністерінің экономикалық салдарын мұқият жазып, табиғи апаттың салдарын азайту үшін жағдай жасайтындығы атап өтілді.
