Денсаулық сақтау министрі Фахреттин Кожа Амасрадағы шахтада болған жарылыстан 25 кеншінің қаза тапқанын айтты.
Министр әзірге 11 адам дәрігерлердің бақылауында екенін айтты.
Фахреттин Кожа әлеуметтік желіде былай деп жазды:
"Өкінішке орай, Бартында қаза тапқандар саны 25 адамға жетті. 11 жаралы емделіп жатыр. Олардың 1-інің жағдайы ауыр, жаралылардың 4-уі жансақтау бөлімінде жатыр. 6 кенші жедел жәрдеммен Ыстамбұл қалалық ауруханасының күйік орталығына жеткізілді".
Еске салар болсақ, Түркияның солтүстігіндегі Бартын қаласындағы шахтада жарылыс болып, 40-тан аса адам жер астында қалып қойған. Құтқару жұмыстары жүргізіліп жатыр. Апаттың мән-жайы анықталуда.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
