Anadolu агенттігінің хабарлауынша, апат аймағында орналасқан провинциялар прокуратурасының шешімдерімен 6 ақпаннан бері қираған ғимараттардың құрылысына қатысы бар деген күдікпен барлығы 564 адам ұсталған.
Кейін ұсталғандардың 160-ы қамауға алынып, 175 күдікті сот бақылауына қалған. Сонымен қатар, 71 күдікті қамауға алынып, 61 адамды қамауға алу туралы санкция берілді.
Апат аймағындағы ұрлық фактілерін прокуратура тексеріп жатыр.
Айта кетсек, 6 ақпанда Түркияның оңтүстік-шығысында магнитудасы жеті баллдан асатын екі жер сілкінісі болды (жергілікті уақыт бойынша 04.17-де – 7,7 балл және 13.24-те – 7,6 балл).
Түркияның оңтүстік-шығысында болған жойқын жер сілкінісінен қаза тапқандар саны 42,3 мыңнан асты.
Президент Режеп Тайып Ердоған табиғи апат құрбандарына байланысты Түркияда жалпыұлттық аза тұту жариялады.
