НАТО елдері Түркияны қолдау үшін күш жұмылдыруда. Бұл туралы Twitter-де Солтүстік Атлантикалық альянстың бас хатшысы Дженс Столтенберг мәлімдеді, деп жазады inbusiness.kz.
"Біз осы жойқын жер сілкінісінен кейін біздің одақтас Түркияны қолдауда барымызды саламыз. Мен Президент Ердоғанмен және сыртқы істер министрі Мевлют Чавушоғлымен үнемі байланыстамын. Қазіргі уақытта НАТО одақтастары Түркияны қолдау үшін күш жұмылдыруда", - деп атап өтті әскери блоктың Бас хатшысы.
Еурокомиссия азаматтық қорғаныс механизмін іске қосты, ол арқылы жер сілкінісінің салдарымен күресте Түркияға көмек көрсетуге жіберу үшін қоғамдастық елдерінің құтқару бригадаларын орналастыруды үйлестіру жүргізілуде.
Бұл туралы еурокомиссар Янез Ленарчичтің мәлімдемесінде айтылған.
"Түркиядағы жер сілкінісінен кейін біз еуропалық азаматтық қорғаныс механизмін іске қостық. Төтенше жағдайларға жауап беру жөніндегі Еуропалық үйлестіру орталығы Еуропадан құтқарушылар топтарын орналастыруды үйлестіруге кірісті", - деп атап өтті ол.
