Бұрынғы Мәдениет және спорт министрі және Ұлттық музейдің бұрынғы директоры Арыстанбек Мұхамедиұлы соттағы соңғы сөзін айтты, деп хабарлайды inbusiness.kz сайты El.kz-ке сілтеме жасап.
Экс-министрдің айтуынша, "Әлем мұражайларындағы Алтын адамның шеруі" көрмесін өткізу кезінде ұрлық туралы сот ісін халықаралық қауымдастық мұқият қадағалап отыр.
"Бүкіл әлем бұрмаланған ақпаратқа байланысты бұл істі артефактілер — "Алтын адамның" бөлшектері және басқа да мұражай құндылықтары ұрланған сияқты қабылдайды. Мұнда біз қатысушылар санын, витриналарды талқылаймыз", - дейді ол.
Экс-министрдің айтуынша, түрмелерде ұйықтайтын орын қалмаған.
"Олар бүгін бүкіл ел түрмеге отыратындай етіп бәрін айналдырды. Бізде тергеу изоляторында орын жоқ, барлығы еденде ұйықтайды. Тек сіз, Жайдарман (сот хатшысы), адвокаттар мен күзетшілер қалды, қалғандары-тергеу изоляторында, орын жоқ, дем алатын ауа жоқ", - дейді Арыстанбек Мұхамедиұлы.
Өз сөзін аяқтай отырып, Мұхамедиұлы тергеу мәліметтері бойынша істің қатысушылары келтірген материалдық залалды өтеуге мүдделі екенін мәлімдеді.
Естеріңізге сала кетсек, кеше экс-министр Арыстанбек Мұхамедиұлына түпкілікті сот үкімі шықты.
