Ұлттық ұланның 5511 әскери бөлімінің сарбаздары Семей қаласындағы №19 түзеу мекемесінде қызмет атқару барысында бес смартфон, бес SIM-карта, Wi-Fi роутері мен бес литр алкогольді ішімдіктің түрмеге кіргізілуіне тосқауыл болды, деп жазады inbusiness.kz сайты.
Жедел мақсаттағы батальон бөлімшесінің командирі сержант Берік Акибаев құрылыс материалының тым көп оралғанынан күдіктенеді.
— 30 литрлік эмульсияның сыртын скотчпен әбден оралғаны сезік тудырды. Тексеру кезінде шелек ішінде тағы бір ыдыстың барын байқадым. Сол ыдысқа тыйым салынған заттар жасырылған екен, — дейді сержант Акибаев.
Ұсталған азамат кінәсін мойындады. Табылған заттар тәркіленіп, мекеменің күзет қызметіне тапсырылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
