"Абай" метро станциясында сағат 18:04-те жанған заттың иісі пайда болды. Машинист жылжымалы құрамды тоқтату және жолаушыларды түсіру бойынша тиісті шаралар қабылдады. Сағат 18:20-да құрам тексеру үшін депоға жіберілді", – деп хабарлады қала әкімдігі.
Сондай-ақ, әкімдік тасымалдауды қамтамасыз ету үшін резервтік құрам тартылып, пойыздардың қозғалысы 15 минут ішінде қалпына келтірілгенін хабарлады.
Аталған оқиғаға ҚР ТЖМ баспасөз қызметі де түсініктеме берді. Оқиға орнына Төтенше жағдайлар департаментінің күштері мен құралдары жедел жіберілген.
"Тексеру барысында ашық жану анықталмады. Метрополитеннің мәліметінше, машинист жылжымалы құрамды тоқтату және жолаушыларды түсіру бойынша тиісті шаралар қабылдады. Құрам тексеру жүргізу үшін депоға жіберілді", – деп түсіндірді ҚР ТЖМ баспасөз қызметі.
Қазіргі уақытта метро штаттық режимде жұмыс істейді.
