2020 жылдың алғашқы жартысында тұтынушылар құқығын қорғау органдарына қазақстандықтардан 6 мыңнан аса арыз келіп түскен, деп хабарлады ranking.kz.
Ал өткен жылы отандастарымыз жалпы саны 6 мың рет шағымданған еді. Олардың көбі қаржылық, медициналық, көлік және тұрмыстық қызмет көрсету мен тұрғын үй коммуналдық шаруашылығы, бөлшек сауда саласына қатысты.
Сондай-ақ, арыз санының артуына пандемия да әсер етті. Себебі жыл басынан бері өткізуге тыйым салынған тойлар, концерттік кештер мен туристік саяхаттардың ақшасын қайтару бойынша базыналарын айтқандар көп болған.
6 айда жалпы сомасы 709,6 мың теңгеге 23 шара ұйымдастырылмаған. Шағымданған тарапқа оның тек 63,4%-ы немесе 449,6 мың теңгесі қайтарылды. Сонымен қатар 8,8 млн теңгеге 50 отбасылық шара өткізілген жоқ. Аталған қаржының 89,6%-ы немесе 7,9 млн теңге қайтарылған. Ал өзге шағымдар әлі қарастырылуда.
2019 жылы тұтынушылар құқығын қорғау органдарына жеке тұлғалардан жалпы саны 6 мың шағым түскен. Оның 3816-ын байланыс телефондарына қоңырау шалып хабарлаған, 1245 адам ойын ауызша жеткізген, жазбаша түрде 970 арыз түскен.
Құралай Құдайберген
