Бәлкім, оның біразы облыс орталығындағы дарынды ұл-қыздарға арнайы мектепке ауылдан келіп оқып жатқандар шығар?!
Бірақ ата-апасының қолында өскен баланың ауылда жүргені ерсі емес, ал қалада ұл-қызын туыстарына сенім хатпен қалдырғаны құлаққа түрпідей тиеді. Бұл дегенің, бір жағынан баланы қараусыз қалдырғанмен бірдей.
Өткен бір жылдың ішінде Тараз қаласында түрлі әкімшілік құқық бұзушылық жасаған 2 930 кәмелетке толмаған жасөспірімнің тіркелген. Жеткіншектер жасаған қылмыс саны 50-ге жеткен. Мамандар бұл көрсеткіштің салыстырмалы түрде 34,2 пайызға азайғанын айтқанымен, қазір есепке де сенім жоқ.
Мамандар жайсыз отбасында тәрбиеленіп жатқан 127 жеткіншектің, ата-анасы жақынына "сеніп" қалдырған әлі 500-ге жуық баланың әлденеге ұрынып қалмасына кепілдік жоқ дейді. Сондай-ақ шаһарда жетім және ата-ананың қамқорлығынсыз қалған 467 бала, толық емес отбасында тұратын 8 449 оқушы бар. Ал қадағалауды қажет ететін 2 322 балаға сырттай бақылау жасалып отыр.
Айта кету керек, қазір қаладағы 59 жалпы білім беретін мектепте 75 905 бала оқып жатыр.
Ардақ Үсейінова
