Twitter әлеуметтік желісі дүйсенбіде өз сайтының логотипіндегі көк құсты Dogecoin криптовалютасының символы - иттің бейнесіне алмастырды. Жаңа логотип сайттың бетін ашқанда көрінеді, деп жазады Inbusiness.kz.
Әзірге бұл өзгерістің қаншалықты тұрақты болатыны белгісіз. Әлеуметтік желі блогында, Twitter-ді қолдау парағында, сондай-ақ әлеуметтік желі иесі Илон Масктың парақшасында бұл мәселе бойынша түсініктеме жоқ.
Bloomberg агенттігінің мәліметтері бойынша, өзгерістер енгізілген сәттен бастап Binance биржасында криптовалюта құны 30%-ға өсті
Маск Twitter-де Dogecoin туралы бірнеше рет жақсы пікір білдірді. Мысалы, 2021 жылдың сәуір айының басында ол "Dogecoin-ді айға жіберуге" уәде берді, ал мамырда оның SpaceX компаниясы 2022 жылы Айға осы криптовалютамен толық төленген келісімшарт бойынша спутникті ұшыратынын түсіндірді. 2022 жылдың қаңтарында Масктың тағы бір компаниясы - Tesla - Dogecoin-ді өзі шығарған кейбір тауарлары үшін төлем ретінде қабылдайтынын жариялады.
