15 қараша Алматы маңындағы тау бөктеріне қалың қар жауды. Солтүстік-батыстан соққан желдің екпіні 15-20 метрге дейін жетуі мүмкін, деп хабарлайды inbusiness.kz ТЖД-ға сілтеме жасап.
Сондықтан ТЖД тауға бір күнге болса да шығуға ниетті туристерге қауіпсіздік ережелерін сақтауды ұсынады. Атап айтқанда:
- Ең алдымен ыңғайлы киім киіңіз;
- Өзіңізбен бірге міндетті түрде жылы киім, ұялы телефонға қосымша қуат көздері, шам және от жағуға арналған құралдар, GPS навигатор алып жүріңіз;
- Тауға шықпас бұрын ықтимал қауіптерді мұқият бағалау керек, ауа-райы мен кедергі келтіретін жағдайларды ескеру керек;
- Тұман немесе тәуліктің қараңғы уақытында тауға шықпау керек;
- Қауіпті, жартасты учаскелерді тек аса қажет болған жағдайда еңсеру керек;
- Топтан қалып қалмай, бірге жүріңіз.
