2026 жылғы 26-29 тамыз аралығында Щучинск қаласындағы "Жақсы-2" спорт базасында ерлер мен әйелдер арасында қоян-қолтық ұрыстан Қазақстан Республикасының Кубогі өтті, деп хабарлайды inbusiness.kz сайты.
Кубок қорытындысы бойынша Қазақстан Республикасы Төтенше жағдайлар министрлігінің BATYR TEAM құрама командасы үздік нәтиже көрсетіп, жалпыкомандалық есепте 1-орын иеленді.
Бұл нәтиженің маңызы ерекше. Себебі ТЖМ құрамасы қоян-қолтық ұрыстан Қазақстан Республикасы Кубогына қатысу тарихында алғаш рет жалпыкомандалық есепте жеңімпаз атанды.
Жарыс "Өзін-өзі қорғау" және "Жекпе-жек" атты екі бағыт бойынша өтті. Екі жарыс күнінің қорытындысы бойынша ТЖМ спортшылары жалпы 41 медаль жеңіп алды:
- 12 алтын медаль
- 11 күміс медаль
- 18 қола медаль
Сонымен 15 команда мен 240-қа жуық спортшы арасында жалпыкомандалық есепте 1-орын иеленді. Бұл жетістік ТЖМ қызметкерлерінің жоғары деңгейдегі дайындығын, жаттықтырушылар құрамының кәсіби жұмысын және команданың ауызбіршілігін көрсетеді.
ТЖМ Қазақстан Республикасының құрама командасы – BATYR TEAM спортшылары министрлікті республикалық спорт аренасында лайықты таныстырып, ТЖМ жүйесінде қоян-қолтық ұрыстың жоғары деңгейде дамып келе жатқанын тағы бір мәрте дәлелдеді.
