Алматы облысының Қарасай ауданында шамамен 2650 метр биіктіктегі Терра алаңы маңында турист қыз жарақат алып, көмекке жүгінді, деп хабарлайды inbusiness.kz сайты.
Таудан түсу кезінде ол аяғын қайырып алып, өздігінен қозғала алмаған. Оқиға орнына ТЖМ "Барыс" республикалық құтқару қызметінің мамандары жетіп, зардап шеккен әйелге алғашқы медициналық көмек көрсетті.
Құтқарушылар оны таудан төменге түсіріп, Апаттар медицинасы орталығының қызметкерлеріне тапсырды. Алдын ала диагноз бойынша туристің аяғы сынған және кеуде қуысы соғылған.
Зардап шеккен әйел одан әрі тексеріліп, қажетті медициналық көмек алу үшін мамандарға жеткізілді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
