Заң жобасы уәкілетті орган мен жергілікті атқарушы органдардың құзыретін кеңейтуді, спорттық инфрақұрылымының қолжетімділігін арттыруды көздейді.
"Уәкілетті органның құзыреті ұлттық спорт түрлерінің тізбесі мен балаларға арналған спорт секциялары мен шығармашылық үйірмелерге мемлекеттік спорттық және шығармашылық тапсырысты орналастыру қағидаларын бекіту сонымен қатар мемлекеттік спорттық және шығармашылық тапсырысты қаржыландырудың жан басына шаққандағы нормативін нақтылау функциялармен толықтырылды", – деді мәдениет және спорт министрі Ақтоты Райымқұлова.
Министрдің мәлімдеуінше, жергілікті атқарушы органдарға дәрігерлік-дене шынықтыру диспансерлерінің санын арттыру, халықпен жұмыс істеу үшін дене шынықтыру және спорт нұсқаушыларының санын көбейту, мемлекеттік спорттық және шығармашылық тапсырысты бекіту және орналастыру, балалар-жасөспірімдер дене шынықтыру даярлығы клубтарының желісін кеңейту құзыреті берілді.
Қанат Махамбет
