Білім және ғылым министрі Асхат Аймағамбетовтің айтуынша, биыл ата-аналарға ҰБТ өткізу пунктерінде түлектерді күтуге рұқсат берілмейді.
"Ата-аналарға және түлектерді алып жүруші басқа тұлғаларға балаларды ҰБТ өткізу пунктерінде күтуге тыйым салынады. Ата-аналарға ҰБТ-ны онлайн қарау мүмкіндігі беріледі. ҰБТ өткізу пунктері тосқауыл таспаларымен жабдықталады. ҰБТ өткізу пунктеріне кіру тәртібінде тест тапсырушылардың арасында 2 метр қашықтықтың сақталуы қамтамасыз етіледі. 2 метр арақашықтық ҰБТ тапсыратын аудитория ішінде де сақталады", – деді министр.
Асхат Аймағамбетовтің сөзінше, қосымша тағы 5 сақтық шарасы қолданылады.
"Біріншіден - тест тапсырушыларды заласыздандыру туннельдерінен өткізу. Екіншіден - аяқ киімдерді арнайы заласыздандыру кілемшелерімен өңдеу. Үшінші - еденді санитайзерлермен заласыздандыру. Төртінші - әр талапкердің дене қызуын өлшеу. Бесінші - бір рет қолданылатын жаңа маска беру. Бас санитарлық дәрігермен келісілген қатаң санитарлық талаптар барлық жерде сақталады", – деді Асхат Аймағамбетов.
Қанат Махамбет
