Өңірде биылғы ҰБТ-ны өткізу үшін 6,8 млн теңге бөлінді, деп хабарлайды ҚазАқпарат.
Облыстық білім беру басқармасы басшысының орынбасары Күлпәш Қалғожинның айтуына қарағанда, аталған қаражат білім беру мазмұнын жаңарту аясында бөлінген. ҰБТ биыл 20 маусым - 1 шілде аралығында өтеді. Облыста тестілеу тапсыратын 8 пункт ұйымдастырылған.
"ҰБТ тапсыратын орындарға 65 бейнебақылау камерасы мен 7 видеотіркеуіш орнатылды. ІІД-де 48 ұялы байланыс қызметін істен шығатын құрылғы бар. Құрылғылардың техникалық сипаттамасы барлық белгілі жиілікті жоюға мүмкіндік береді", - деді К. Қалғожина.
Биыл ҰБТ жаңа форматта тапсырылады: 3 міндетті сала - математика, оқу сауаттылығы, Қазақстан тарихы және таңдау бойынша 2 пән. Егер түлек шекті деңгейден өтпесе, ол 2017 жылғы тамызда немесе 2018 жылғы қаңтарда қайта тестілеуден өте алады. Айта кетейік, осы жылы облыс бойынша 3630 түлек орта мектепті тәмандады.
