Президент Қасым-Жомарт Тоқаев үкіметтің кеңейтілген отырысында квазимемлекеттік сектордағы тиімсіз шығыстарды қысқартуды тапсырды.
"Бюджет саясатының тиімділігін жан-жақты зерделеу қажет. Бұдан бұрын имидждік іс-шараларға бюджет шығыстарын қысқартуды тапсырған едім. Үкімет шығыстарды 300 млрд теңгеге оңтайландырды. Бұл – мәселені шешудің алғашқы қадамы ғана. Дәл осындай жұмысты квазимемлекеттік секторда да жүргізу қажет", – деді Мемлекет басшысы.
Қасым-Жомарт Тоқаевтың сөзінше, өнімсіз шығыстарды қысқартуға бағытталған жоспарлы жұмыстан тыс қалмауға тиіс.
"Үкіметке 2020 жылдың 1 мамырына дейін атқарылған жұмыстарды баяндауды тапсырамын", – деді Президент.
Қанат Махамбет
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
