Премьер-министр Асқар Мамин әлеуметтік-экономикалық даму қарқыны жоғары өңірлерді атады, деп хабарлайды inbusiness.kz тілшісі.
"Биыл қаңтар-ақпанда негізгі көрсеткіштер бойынша Алматы, Ақмола облыстарының әлеуметтік-экономикалық даму қарқыны жоғары болды. 5 көрсеткіш бойынша Ақтөбе, Шығыс Қазақстан, Қостанай, Қарағанды облыстары мен Шымкент қаласында өсім байқалды. 8 өңірде 4 көрсеткіш бойынша Жамбыл, Қызылорда, Маңғыстау, Павлодар, Солтүстік Қазақстан, Түркістан облыстары мен Нұр-Сұлтан, Алматы қалаларында оң динамика тіркелді",– деді Үкімет басшысы.
Сондай-ақ Асқар Мамин Атырау, Батыс Қазақстан облыстарында әлеуметтік-экономикалық даму жағынан ең төмен көрсеткіш тіркелгенін атап өтті.
"Министрліктер мен әкімдерге жұмысты жандандырып, тиісті шараларды қабылдау және міндеттерді нақтылауды тапсырамын",– деді Премьер-министр.
Дәурен Ерболат
