"Қаржы, Ұлттық экономика министрліктерімен және мүдделі мемлекеттік органдармен бірлесіп, 22 қарашаға дейін Жоғары оқу орындарының бәсекеге қабілеттілігін арттыру бойынша 2021-2025 жылдарға арналған жол картасын пысықтап, Үкіметке енгізіңіздер!" – деді Асқар Мамин Асхат Аймағамбетовке.
Бұдан кейін үкімет басшысы Петропавл, Шымкент қалаларында Назарбаев университеті үлгісінде 2 жоғары оқу орнын ашуға қаржы қарастыру қажеттігін тілге тиек етті.
"Мықты деген 20 өңірлік университетті, Петропавл мен Шымкентте "Назарбаев Университеті" үлгісінде 2 жоғары оқу орнын ашуды қаржыландыру мәселесін пысықтау керек. Шетелдік және қос дипломды бағдарламаларды, оқытушылар мен студенттердің академиялық ұтқырлығын дамыту жұмысын жалғастыру қажет", – деді Асқар Мамин.
Үкімет басшысының тапсырмасына сәйкес, министрлік мүдделі мемлекеттік органдармен бірлесіп, ғылым мен жоғары білімнің бірыңғай цифрлық платформасын құруды пысықтауға тиіс.
Қанат Махамбет
