Үкімет күзде отставкаға кетуі керек. Бірнеше депутат осындай пікірде, деп хабарлайды inbusiness.kz тілшісі.
Мәжілісмендердің Әлихан Смайылов бастаған Министрлер кабинетіне сенім артқан 6 айы қыркүйекте аяқталмақ. Депутаттардың дені атқарушы биліктің жұмысына көңілі толмайтынын ашық айтып отыр.
"Ең бірінші депутаттық сауалым ол монетизация дейді. Оған менің мүлдем көңілім толған жоқ. Себебі сол кездегі премьер-министрдің орынбасары Алтай Көлгінов мырзаның жауабы "біз болашақта қарастырамыз, жағдай жасалып жатыр" деп стандартты түрде жауап берді", - деді ҚР Парламенті Мәжілісінің депутаты Кенжеғұл Сейітжан.
"Кейбір министрліктерде шынымен де үміт жоқ. Кейбір министрліктер өзінің жұмысын атқарып жатыр. Сондықтан да қазір қарай жатармыз", - деді ҚР Парламенті Мәжілісінің депутаты Айдарбек Ходжаназаров.
