/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Үкімет пен Парламенттің алдында пикеттер өткізуге болады

Үкімет пен Парламенттің алдында пикеттер өткізуге болады

Бұл туралы жуырда ғана Президент қол қойған «Бейбіт жиналыстарды ұйымдастыру» туралы заңында жазылған.  

26 Мамыр 2020 22:33 239

Үкімет пен Парламенттің алдында пикеттер өткізуге болады

Енді Үкімет пен Парламенттің алдында да плакат ұстап пикеттер өткізуге болады, деп хабарлайды Atameken Business.

Құжатта оларды өткізудің тәртібі нақты көрсетілген. Мәселен, енді жиынды ұйымдастырушылар шарадан 5 күн бұрын хабар беріп, әкімдіктің келісімінсіз өткізе алады. Ал жергілкті билік 3 күннің ішінде қарап, жиынды заңсыз деп тапса тыйым салуға құқылы. Алайда, шектеу үшін айтарлықтай себеп пен дәлел келтірілуі керек. Наразылықтар мен шерулер үшін 10 күн бұрын ескерту қажет, әкімдік 7 күнде қарап, жауабын айтуға міндетті.

Бас Прокуратура митинг туралы: Заң шыққанмен, бейбіт жиынды ұйымдастыру рәсімі дайын емес

Бас Прокурордың орынбасары халыққа үндеу тастады. 

05 Маусым 2020 11:42 356

Бас Прокуратура митинг туралы: Заң шыққанмен, бейбіт жиынды ұйымдастыру рәсімі дайын емес

6 маусымнан бастап «Қазақстан Республикасында бейбіт жиналыстарды ұйымдастыру және өткізу тәртібі туралы» жаңа заң күшіне енетіні белгілі. Бас Прокутаура өкілі Болат Дембаев жаңа тәртіптің іске асатын кезеңі карантинмен сәйкес келгенін еске салып, халықты заңсыз жиындарда арандап қалудан сақтануға шақырды. 

«Жиналыстарды, митингілерді және пикеттерді ұйымдастыру және өткізу үшін Заңмен хабарлама жасау тәртібі қарастырылған. Ұйымдастырушы оларды өткізу күніне дейін бес жұмыс күн бұрын жергілікті атқарушы органға хабарлама береді. Ол үш жұмыс күн ішінде оны қаралуға тиіс. Бұл мерзім аяқталған соң жауап болмаған жағдайда, ұйымдастырушы бейбіт жиналысты өткізеді. Демонстрациялар мен шерулер үшін келісім тәртібі белгіленген. Өтініштер өткізілетін күнге дейін он жұмыс күн бұрын беріледі, ол бойынша жергілікті атқарушы орган жеті жұмыс күн ішінде жауап беруге міндетті. Осы уақыт ішінде ұйымдастырушы мен жергілікті атқарушы орган бейбіт жиналыстарды қауіпсіз өткізу, оларға қатысушылардың денсаулығын сақтау үшін жағдайлар жасайды. Бұл ретте бейбіт жиналыстар арнайы орындарда өткізілуі тиіс. Дәл осы сәтте жергілікті өкілді органдар осындай орындарды және демонстрациялар мен шерулер үшін жүру маршруттарын, оларды материалдық-техникалық және ұйымдастырушылық қамтамасыз етуге қойылатын талаптарды, пикеттеуді өткізуге тыйым салынған іргелес аумақтардың шекараларын айқындау бойынша рәсімді жүргізуде.Бейбіт жиналыстар көрсетілген рәсім аяқталғаннан кейін ұйымдастырылуы және өткізілуі мүмкін»,  –  деп жазылған үндеуде.

Бас прокурордың орынбасары COVID-19 індеті өршіп тұрған кезде Денсаулық сақтау министрлігінің мәліметіне құлақ асу керектігін де ескертті.

«Денсаулық сақтау министрлігі 2020 жылғы 4 маусымда үндеу таратып, онда карантин кезеңінде елде бұқаралық іс-шараларды, оның ішінде митингілерді өткізуге тыйым салынғанын көрсеткен. Оны сақтамағаны үшін әкімшілік және қылмыстық жауаптылық көзделген. Дегенмен, жекелеген тұлғалар ел азаматтарын 2020 жылғы 6 маусымда жаппай митингілерге шығуға шақыруда. Жаңадан белгіленген тәртіпті бұза отырып өткізілетін жиналыстарды ұйымдастыру және оларға қатысу заңсыз болып табылады және Әкімшілік құқық бұзушылық туралы кодекстің 488-бабы бойынша әкімшілік жауаптылыққа әкеп соқтырады. Егер бұл әрекеттер азаматтардың, ұйымдардың, қоғамның немесе мемлекеттің құқықтары мен заңды мүдделеріне елеулі зиян келтірумен қатар жүрсе, қылмыстық жауаптылық туындайды. Осыған байланысты, азаматтарды арандатушылық жасамауға және заңсыз жария акцияларға қатысудан бас тартуға, бейбіт жиналыстар ұйымдастыру және өткізу кезінде жаңа заңның ережелерін мүлтіксіз сақтауға шақырамыз», – дейді Бас Прокуратура өкілі.


 

Бейбіт жиналысқа қатысты тұлғалардың құқықтары мен міндеттері нақтыланды

Ұйымдастырушылар мен журналистер үшін ерекше белгілер қабылданады. 

26 Наурыз 2020 12:55 422

Бейбіт жиналысқа қатысты тұлғалардың құқықтары мен міндеттері нақтыланды

Ақпарат және қоғамдық даму министрі Дәурен Абаев заңнамаға зорлық-зомбылықсыз сипат, заңдылық, мемлекеттік қауіпсіздік, қоғамдық тәртіп, басқа адамдардың құқықтары мен бостандықтарын қорғауды қамтамасыз ет, 
қатысу еріктілігі сынды бейбіт жиналыстардың базалық қағидаттары енгізілгенін айтты. 

«Қазіргі қолданыстағы заңның кемшілігінің бірі – бейбіт жиналыс нысандары нақты регламенттелмеген. Осыған байланысты заң жобасында түсінік аппаратын енгізу ұсынылады. Бұл митинг, пикет, жиналыс, демонстрация, шеру сияқты негізгі ұғымдарды қалыптастыруға және оларды өзара ажыратуға мүмкіндік береді», – деді министр. 

Дәурен Абаевтың айтуынша, заң жобасында бейбіт жиналыстарға қатыса алатын және оларды ұйымдастыратын тұлғаларға қойылатын талаптар айқындалған. Бұған қоса ұйымдастырушылар мен қатысушылардың құқықтары мен міндеттері нақтыланған. 

«Бейбіт жиналыс өткізуге ыңғайлы болуы үшін ұйымдастырушылар мен журналистерге арналған ерекше белгілер қабылданады. Заң жобасында бұқаралық ақпарат құралдары саласындағы уәкілетті органның, азаматтық қоғаммен өзара іс-қимыл жөніндегі уәкілетті органның, жергілікті өкілді органдар мен жергілікті атқарушы органдардың құзыреті көзделген», – деді ол. 

Қанат Махамбет