DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 323,36 Brent 36,55
Үкіметтік резерв коронавируспен күреске 3 рет қаржы бөлді – министр

Үкіметтік резерв коронавируспен күреске 3 рет қаржы бөлді – министр

Дәурен Абаев коронавируспен күреске Үкімет резервінен қанша қаржы жұмсалғанын айтты.  

01 Сәуір 2020 18:16 193

Үкіметтік резерв коронавируспен күреске 3 рет қаржы бөлді – министр

«Коронавируспен қарсы күреске тікелей бөлінген қаржы туралы көп сауалдар түсіп жатыр. Бұл жерде дағдарысқа қарсы шаралар туралы айтып отырған жоқпын.  Коронавируспен күреске  Үкіметтік резревтен үш рет ақша бөлінді. Бірінші  траншпен 29 қаңтарда  1 млрд 609 млн теңге бөлінген. 21 ақпанда коронавируспен күреске  қосымша 428 млн 227 мың теңге бөлінді. Үшінші рет 25 наурыз күні 20 млрд 430 млн 635 мың теңге бөлді. Бұл қаражат  дәрі-дәрмек, медициналық бұйымдар мен зертханалық қондырғылар алуға, маска, қолғап, қорғаныс костюмдері мен тес-жүйелерін сатып алуға жұмсалды. Сондай-ақ, шұғыл медицинаны ұлттық үйлестіру орталығына азаматтарды эвакуациялауға, мамандарды жабдықтауға, залалсыздандыру құралдарын алуға берілді», – деді дәурен Абаев онлайн-брифингте.

Есжан Ботақара

inbusiness.kz-ті қараңыз, оқыңыз :

Дәурен Абаев Елбасының денсаулығына қатысты қауесетке нүкте қойды

Бұл  туралы ҚР Ақпарат және қоғамдық даму министрі Дәурен Абаев «Ашық диалог» бағдарламасында айтты.  

09 Сәуір 2020 22:04 169

Дәурен Абаев Елбасының денсаулығына қатысты қауесетке нүкте қойды

Дәурен Абаев Елбасының денсаулығына қатысты қауесетке нүкте қойды, деп хабарлайды ҚазАқпарат.

«Бүгінгі таңда ел тағдыры туралы сөз қозғасақ ондағы Елбасының жаңа рөлін түсінуіміз керек. Ол Қауіпсіздің кеңесі мен Nur Otan партиясындағы жұмысымен саясаттағы белсенді жұмысын жалғастырып келеді. Алайда 2019 жылдың 19 наурызында ол Президент өкілеттігін тоқтатты. Халық жаңа Мемлекет басшысын сайлады. Иә, қазір біз салмақты тегеуріндермен бетпе-бет келіп тұрмыз. Өз өкілеттігіне байланысты Президент Қасым-Жомарт Тоқаев қазіргі күрделі жағдайларға төтеп беру стратегиясын айқындады. Ал бұлай болмаса басқа қалай болуы тиіс? Елбасы мұндайда күн сайын жаңа мәлімдеме жасауы керек пе? Ол өз мәртебесіне қарамастан мұндайға жол бере қоймайтын дана саясаткер», –  деді Дәурен Абаев.

Министр сонымен қатар Елбасының денсаулығына қатысты сыбыстардан да хабардар екенін білдірді.

«Бұл ретте есіме осыдан 10 жыл бұрын, яғни Президенттің баспасөз хатшысы болып тағайындалған кездегі бір оқиға есіме түсіп отыр. Интернет сайттардың бірінде Елбасының ауыр науқас екені туралы жаңалық жарыққа шықты. Бұл ақпаратқа таңғалдым. Себебі сол күні Президенттің төрағалығымен отырыстардың біріне қатысқан едім. Кешке қарай шыдамай кетіп, Нұрсұлтан Әбішұлына оқыған жаңалығым туралы айттым. Сол кезде ол маған: «Менің қасымда қызметіңді енді бастап жатырсың. Бір дүние есіңде болсын: балақтың шаңын қаға берсең баратын жерге уақытында жете алмайсың. Ондай әңгімні тілеулес жұрт уайымдап айтса, мысықтілеу адамдар әдейі айтады. Оның бәрін тыңдай берсең, жұмысты кім істейді?» деді. Сондықтан осындай әр сөзге көңіл бөле бермейік», – деді Дәурен Абаев.

Уханьда қалған қазақстандық студенттер елге қашан қайтады?

Карантиндік аймақта қазақстандық студенттер қалды деген дерек бар.

23 Қаңтар 2020 13:46 432

Уханьда қалған қазақстандық студенттер елге қашан қайтады?

Фото: aikyn.kz

Тауарлар мен қызметтердің сапасы мен қауіпсіздігі комитеті төрағасының орынбасары Жандарбек Бекшин коронавирустың ошағы деп танылған Ухань қаласында қазақстандық студенттер бар деген ақпаратқа қатысты пікір білдірді. 

«Қытайдың ресми мәліметі бойынша Ухань қаласында карантин жарияланған. Яғни ешкім шықпайды, ешкім кірмейді деген сөз. Сондықтан ол қалада қалған қазақстандық студенттер әзірге елге қайтарылмайды. Сыртқы істер министрлігі, өзге де жауапты органдар жалпы Қытайдағы студенттермен байланыс орнату бойынша жұмыс істеп жатыр. Ондағы студенттер қала тұрғындарымен байланыста болғандықтан, Қазақстанға толық емделгеннен кейін ғана қайтуы керек. Эпидемиологиялық талап осындай. Сондықтан қазір оларды карантиндік аумақтан алып шығару туралы мәселе қаралып жатқан жоқ», – деген Жандарбек Бекшин өзінің басынан да мұндай жағдай өткенін есіне алды.

«Ондай жағдай кезінде жеке өз басымда да болған. Құрылыс жасағында жүргенмін. Біз жұмыс істеп жүрген елді мекенге карантиндік шектеу қойылған еді. Ол кезде африкалық шошқа обасы тараған болатын.  Сондағы студенттермен бірге елді мекеннен шыға алмай қалғанбыз», – деді ол. 

Жаңалықтарға жазылу: