Заң жобасында жекелеген функцияларды Үкіметтен орталық мемлекеттік органдарға, сондай-ақ орталық мемлекеттік органдардан жергілікті атқарушы органдарға беру көзделеді. Осылайша, 55 заңнамалық актіге, оның ішінде 5 кодекс пен 50 заңға өзгерістер мен толықтырулар енгізілмек.
Заң жобасы бойынша:
- мемлекеттік жоспарлау жөніндегі орталық уәкілетті органға стратегиялық жоспарды іске асыру туралы есеп жасау және беру тәртібін белгілеу жөніндегі өкілеттік;
- азаматтық қорғау саласындағы уәкілетті органға өрт қауіпсіздігі қағидаларын, сондай-ақ авариялық-құтқару жұмыстарын жүргізу үшін құтқарушыларды аттестаттау тәртібін бекіту жөніндегі функциялар;
- су қорын пайдалану және қорғау, сумен жабдықтау, су бұру саласындағы уәкілетті органға республикалық меншіктегі су шаруашылығы құрылыстарын басқаруды ұйымдастыру жөніндегі құзырет;
- автокөлік жолдары жөніндегі мемлекеттік уәкілетті органға автокөлік жолдарымен жүріп-тұруға арналған автокөлік құралдарының рұқсат етілген параметрлерін белгілеу жөніндегі функциялар;
- геодезия және картография саласындағы уәкілетті органға аэротүсірілім жұмыстарын жүргізуге рұқсаттарды тіркеу, есепке алу және беру қағидаларын әзірлеу және бекіту жөніндегі өкілеттіктерді;
- халықтың санитариялық-эпидемиологиялық саламаттылығы саласындағы уәкілетті органға тамақ өнімдерінің қауіпсіздігін қамтамасыз ететін уәкілетті органдардың қызметін салааралық үйлестіру жөніндегі құзыретті беру көзделіп отыр.
Аян Бекенұлы
