"Қорғаныс өнеркәсібі кешенінде халықаралық құрылымның қазақстандық пайдаланылмаған әскери мүлікті монополиялау әрекетіне тосқауыл қойылды. Олар сол мүлікті ары қарай әскери қақтығыстар аумағына жолдамақ болған. Осылайша Қазақстан үшін сыртқы саясаттағы және имидждік тәуекелдер жойылды", - деді Мәсімов жариялаған мақаласында.
Ұлттық қауіпсіздік комитетінің басшысы нақты мысалды да келтірген. Атап айтқанда, халықаралық ұйымның қазақстандық 30 млн оқ-дәрісін экспорттау әрекетінің жолы кесілген. Ал 2020 жылдың қазан айында рұқсат қағазынсыз экспорттық бақылауға жатқызылатын әскери өнімдерді (500 дана кевларлы шлем) сыртқа шығару оқиғасы да анықталған.
Сонымен қатар қазақстандық әуе кемелерін сыртта пайдалану жағдайына қадағалау күшейтілген. Бұл жағдай әскери қақтығыстар болдырмауға мұрындық болған. Сонымен қатар SigmaAirlines, AzeeAir және Aircompany Jenis Air әуе компанияларының лицензия қайтарылған.
Аян Бекенұлы
