ҚР Ұлттық қауіпсіздік комитетінің Шекара қызметі Қостанай облысындағы "Қайрақ"автомобиль өткізу пунктінде елімізге ірі көлемдегі вейп өнімдерін заңсыз алып өтпек болған әрекеттің жолын кесті, деп жазады inbusiness.kz сайты.
Ведомствоның мәліметінше, 29 маусым күні жүк автокөлігінің тіркемесіндегі өзге тауарлардың арасына жасырылған 27 624 дана электрондық тұтыну жүйесі (вейп) анықталған.
Аталған дерек бойынша барлық материалдар процессуалдық шешім қабылдау үшін құзырлы органдарға жолданды.
Қазақстанда шегілмейтін темекі өнімдерін, электрондық тұтыну жүйелерін (вейптерді), сондай-ақ оларға арналған сұйықтықтар мен хош иістендіргіштерді елге әкелуге және өндіруге заңмен тыйым салынған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
