Украина аумағында ең ірі алаяқтық call-орталықтардың бірі орналасқан, оның қызметі тек қазақстандық азаматтарға бағытталған. Бұл туралы Қазақстан Парламентінде ішкі істер министрінің орынбасары Игорь Лепеха мәлімдеді, деп хабарлайды inbusiness.kz.
"Олар психологиялық тұрғыдан арнайы оқытылған, 20-дан 45 жасқа дейінгі, орыс тілін еркін меңгерген, шетелдік ҰҚТ құрамына кіретін, "Call-орталықтар" қағидаты бойынша жұмыс істейтін, жақын және алыс шет елдерде тұрақты тұратын ерлер мен әйелдер. Олардың рөлдері нақты бөлінген: "келіссөз жүргізушілер", "хакерлер", IT-мамандар мен қауіпсіздік қызметі", — деді Лепеха.
Ол қылмыскерлер бізде кең таралған алаяқтықтың барлық түрлерімен айналысатынын айтты.
"Біріншісі — олар тауарларды сату және қызмет көрсету туралы онлайн хабарландырулар орналастырады. Екіншісі — банктер мен құқық қорғау органдары қызметкерлерінің атын жамылып, азаматтарды түрлі әрекеттерге итермелеу (қаржылай операциялар). Үшінші әдіс — алаяқтар түрлі инвестициялық жобаларға тиімді инвестиция салуды ұсынады, ал бесіншісі — әртүрлі компаниялар мен ұйымдардың фишингтік сайттарын жасайды, олар арқылы кейіннен пайдаланушылардың құпия ақпаратын ұрлайды", - деді министрдің орынбасары.
"Украиналық әріптестерімізбен бірге біз бұл орталықты жаптық. 40 күдікті ұсталды, біраз компьютерлік және басқа да арнайы техника тәркіленді", - деді министрдің орынбасары.
Оның айтуынша, қазір сарапшылар алданған қазақстандықтардың жеке ақпаратын қайтару үшін құпия файлдарды бұзумен айналысып жатыр.
