Еуропалық одақ өз шекарасын кеңейте алады, Украина еуропалық мәдениетке ие. ЕО-ның Сыртқы істер және қауіпсіздік саясаты жөніндегі Жоғарғы өкілі Жозеп Боррель осындай мәлімдеме жасады, деп хабарлайды inbusiness.kz.
"Украинада еуропалық мәдениет бар екеніне және ЕО-ның кеңейе алатынына сенімдімін. Украина өзінің құндылықтарымен, мәдениетімен және тарихымен Ресейдің шапқыншылығына дейін реформалар арқылы Еуропаға қосылуға дайындалды", – деді дипломат.
28 ақпанда Украина президенті Владимир Зеленский одаққа кіру туралы өтінішке қол қойған болатын. 8 маусымда Еуропарламент Украинаға ЕО мүшелігіне үміткер мәртебесін беру туралы қарарды қолдады.
Еуропалық Кеңестің Украинаға бұл мәртебені беру туралы шешімі 23-24 маусымда жарияланады.
Табиғат Нұрболат
