Украина билігі коронавирусқа байланысты енгізілген карантин шараларын кем дегенде мамыр айына дейін созу туралы шешім қабылдады.
"Біз 30 сәуірге дейін карантинді созамыз", – деді ел премьері Денис Шмигал.
Сонымен бірге ол осы күннен кейін де карантиннің алынып тасталмайтынын мәлім етті. "Шектеу шаралары сақталуы мүмкін. Жеңілдетілген түрін енгізетін шығармыз", – деді үкімет басшысы.
2020 жылдың 12 наурызынан бастап Украинада коронавирустың өршуіне байланысты жалпыұлттық карантин жарияланған еді.Шектеу бірнеше рет ұзартылды. Мысалы, 9 желтоқсанда министрлер кабинеті оны 2021 жылдың 28 ақпанына дейін созған болатын.
Джонс Хопкинс университетінің ресми мәліметі бойынша, пандемия басталғалы Украинада 1 275 334 адам вирус жұқтырған. 1 092 599 адам аурудан жазылып, 24 429 науқас дерттен көз жұмды.
Табиғат Нұрболат
