Украина зымыран техникасын құрастыру туралы Ресеймен жасасқан келісімнен шықты, деп хабарлайды inbusiness.kz "Судебно-юридическая газета" басылымына сілтеме жасап.
Нақтырақ айтқанда, Украинаның министрлер кабинеті екі елдің зымыран-ғарыш және зымыран техникасын құрастыру және пайдалану саласындағы ынтымақтастық туралы келісімінің күшін жою туралы шешім қабылдады. Құжатқа 1995 жылғы 8 ақпанда қол қойылған болатын.
Украинаның Сыртқы істер министрлігі бұл ақпаратты ресми түрде Мәскеуге хабарлауы тиіс.
2015 жылы Киев Мәскеумен арадағы әскери ынтымақтастық туралы келісімнің күшін жойды. Сол кезде Украина үкіметі РФ-мен әскери-техникалық ынтымақтастық туралы келісімнің тоқтатылғанын мәлімдеді.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
