Украинаның экология министрі алдағы 25 жыл бойы бұғы аулауға тыйым салатын мораторийға қол қойды, деп хабарлайды 24Хабар.
Тиісті заң әділет министрлігінің қолдауын тапса, күшіне енеді. Алайда нақты шешім шыққанға дейін ғалымдар мен аңшылар арасында түсініспеушілік өршіп барады.
Қаңтар айының соңында Украина ормандарының бірінде жан түршігерлік жағдай болды. Браконьерлер бұғылардың отарын аяусыз атқылаған. Осы оқиғадан кейін ғалымдар дабыл қағып, үкіметке жабайы жануарды қызыл кітапқа енгізіп немесе 25 жылға дейін аңшылыққа мораторий енгізу туралы талап қойды. Өйткені тәуелсіздік жылдары бұландардың көбеюі күрт кеміп, 3 есеге азайған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
