Бұл туралы 16 қаңтарда Украинаның Мемлекеттік тергеу бюросы (МТБ) өзінің Telegram арнасында хабарлады, деп жазады Inbusiness.kz.
Операцияға Бюро қызметкерлерінен басқа полиция, сондай-ақ Украинаның қауіпсіздік қызметінің әскери қарсы барлау департаменті қатысқаны нақтыланды.
Алдын ала тергеу көрсеткендей, жеке кәсіпорындардың бірі 45-тен астам әскери бөлімге азық-түлік жеткізумен айналысқан. Бұл кәсіпорын аясында ұрлық жасаған қылмыстық топ жұмыс істеді.
"Құжаттарда кәсіпкерлер өнімдердің бір санын көрсетіп, әскери бөлімдерге мүлдем басқа көлемдерді жіберген. Олар өнімнің қалдығын делдалдар желісі арқылы қайта сатты",-деп хабарлайды МТБ баспасөз қызметі.
Ведомство 2022 жылдың алты айында компания 2 миллиардтан астам гривен (54 миллион доллар) алды деп мәлімдеді.
Жүргізілген 70 тінту шаралары нәтижесінде салмағы 7 тоннадан асатын өнім, сондай-ақ Қылмыстық жолмен алынған 4 млн гривен (1 109 мың) тәркіленді. Шығынды өтеу үшін компаниядан ұрланған заттарды тасымалданған ондаған автомобильдер тәркіленді. Өнімдердің өзі армияға қайтарылады.
