Ұшқыш катапультпен секіріп үлгерген, деп жазады inbusiness.kz сайты.
"Жерде зардап шеккендер жоқ. Авиациялық оқиғаның себебін анықтау үшін арнайы комиссия құрылды", – деп хабарлады Украинаның Әуе күштері.
Әуе күштері өкілі, полковник Юрий Игнат "Украинская правда" басылымына берген сұхбатында ұшқыштың:
"Ұшақты басқару мүмкін болмады, бірақ мен қолымнан келгеннің бәрін істеп, әуе кемесін елсіз жерге, елді мекеннен алысқа бағыттадым", – деген сөзін жеткізді.
Франция президенті Эммануэль Макрон 2024 жылдың маусымында Украинамен жаңа ынтымақтастық басталғанын, Dassault компаниясының Mirage 2000-5 жойғыштарын Киевке беру және украин ұшқыштарын Францияда даярлау жоспары бар екенін мәлімдеген еді.
Алғашқы Mirage 2000-5 жойғыш ұшақтары 2025 жылдың ақпанында Украинаға жеткізілген болатын.
