Украинада соғыс барысында кем дегенде 50 құқық қорғаушы мен журналист өлтірілді

462

Мұндай деректерді Front Line Defenders халықаралық жобасы келтіреді. 

Украинада соғыс барысында кем дегенде 50 құқық қорғаушы мен журналист өлтірілді Фото: BAQ.KZ

Ресейдің Украинаға басып кіруі кезінде кем дегенде 50 құқық қорғаушы, журналистер мен гуманитарлық еріктілер қаза тапты, деп жазады inbusiness.kz.

Жоба Ресей соғыс басталған сәттен Украинадағы Ресей әскери күштерінің іс-әрекеттері туралы құжаттама мен куәлік берумен айналысқан украиналық құқық қорғаушыларға шүйліккенін атап өтті. Бұл куәліктер болашақ сот отырысында ең қажет дәлелдер.

Жобаның мәліметтері бойынша, 2022 жылы Украина құқық қорғаушылар мен журналистер арасында құрбан болғандар саны бойынша 186 адам қаза тапқан Колумбиядан кейін екінші орында. Алдыңғы үш жылда Украинада мұндай кісі өлтірулер мүлде тіркелген жоқ. Тек 2018 жылы орманда дарға асылған экобелсенді Николай Бычко өлімі ғана тізімге енген еді.

Бұған дейін Украинаның Zmina құқық қорғау ұйымы Ресейдің кем дегенде 386 құқық қорғаушыны, журналистер мен еріктілерді ұрлап әкеткенін немесе заңсыз ұстағанын хабарлады.

Front Line Defenders 2022 жылы 26 елде 401 құқық қорғаушы мен журналист қаза тапты деп есептейді. Олардың жартысына жуығы қоршаған ортаны және жергілікті халықтың құқықтарын қорғады.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу