Украинадағы барлық қазақстандықты елге қайтару үшін 3 рейс керек. Бұл туралы Қазақстанның Украинадағы елшісі Дархан Кәлетаев айтты, деп хабарлайды inbusiness.kz порталы "Sputnik Қазақстан" ақпарат агенттігіне сілтеме жасап.
Бүгін Нұр-Сұлтан уақыты бойынша сағат 10:00-де Украинадан эвакуациялауға Қазақстанның 486 азаматы өтініш берген.
Дархан Кәлетаев пікірінше, барлық қазақстандықты елге қайтару үшін жоқ дегенде 3 рейс керек. Бірақ бұл сан өзгеруі мүмкін.
"Бұл 500-ге жуық адам. Оның өзі нақты емес. Бұл бүгін таңғы сағат 6-дағы мәлімет", – деді елші.
Қазақстанның Украинадағы елшілігінің дерегінше,тағы 500-ге жуық қазақстандық консулдық есепте тұр. Олардың ішінде дипломаттар мен Украинаға жұмыс істеуге келгендер бар. Сондай-ақ есепке тұрудан бас тартқандар да бар.
