24 ақпаннан бері Украинадан бас сауғалап қашқандар саны 4,5 миллионнан асты, деп хабарлайды inbusiness.kz БҰҰ-ның босқындар ісі жөніндегі жоғарғы комиссариат басқармасының дерегіне сілтеме жасап.
Оның 2,5 миллионнан астамы Польшаға өтіп кеткен.
"Қақтығыс басталғалы Украинадан төрт миллионнан астам босқын көрші елдердің шекарасынан өтіп кеткен. Сондай-ақ ел ішінде қоныс аударуға мәжбүр болғандар көп. Олардың барлығы көмек пен қолдауға мұқтаж", – деп жазылған БҰҰ мәлімдемесінде.
9 сәуірдегі жағдай бойынша босқындардың ең көп саны – шамамен 2,6 миллион адам – Польша шекарасын кесіп өтті. Румынияға 686 мың, Венгрияға 419 мың адам баоған. Босқындар Молдоваға (410 мың), Ресейге (404 мың) және Словакияға (314 мың) да кеткен. 7 сәуірде Беларусь еліне 19 мың адам кірген. 21-23 ақпан аралығында Донецк пен Луганск облыстарынан Ресейге 113 мың адам кеткен.
Біріккен Ұлттар Ұйымының есебі бойынша, басқа елдерге қоныс аударған украиналықтар да көп. Германия, Франция, Италия, Чехия және ЕО-ның басқа елдері, сонымен қатар АҚШ, Ұлыбритания және Австралия елдері де украиналық босқындарды қабылдап жатыр.
Табиғат Нұрболат
