Осыған байланысты Украина Гаагадағы Химиялық қаруға тыйым салу жөніндегі ұйымға (OPCW) жүгініп отыр, деп хабарлайды inbusiness.kz сайты.
APA басылымы жазғандай, Киев бұл мәселені қарастыру үшін ұйымға ресми түрде өтініш жолдаған. Әрі Украина бұл мәселеге қатысты халықаралық ұйымдар мен мемлекеттерді үнсіз қалмауға шақырады, халықаралық нормалар мен адам құқығын қорғауға бағытталған нақты әрекет күтеді.
– Бұл – жалғыз Украинаға емес, барлық әлемдік қауымдастыққа төнген қауіп-қатер. Егер химиялық қару қолдану жазасыз қалса, бұл болашақтағы әскери жанжалдарда қауіпті жайтқа айналуы мүмкін, – деп жазылған Украинаның ресми мәлімдемесінде.
Өткен аптада Германия мен Нидерландтың барлау қызметтері Ресейдің Украинадағы соғыс кезінде химиялық қаруды жаппай қолданғанын дәлелдейтін айғақтар жинағанын мәлімдеген еді. Халықаралық конвенцияларға сәйкес, аталған химиялық заттарды әскери мақсатта пайдалануға қатаң түрде тыйым салынған.
2024 жылдан бері қарай Украинада осы секілді химиялық заттардың әсерінен кемі 3 сарбаз қаза тапса, 2500-ден аса әскери қызметкердің уланғаны жайлы ресми деректер бар.
